Polisi imesema karibu saba kati ya wahanga wa ajali hiyo iliyotokea leo asubuhi ni watoto wadogo. Msemaji wa polisi Vincent Twesigye ameliambia shirika la habari la dpa kuwa basi hilo lilikuwa likiendeshwa kwa kasi na kwamba lilikuwa limejaa kupita kiasi.

Hakukuwa na taarifa ya haraka kuhusu chanzo cha ajali hiyo, ambayo ni miongoni mwa ajali mbaya zaidi kuwahi kutokea Uganda katika miaka ya karibuni.

Basi hilo lilikuwa njiani kutoka mji wa Fort Fortal kuelekea mji mkuu wa Uganda, Kampala.

Ajali mbaya kabisa za barabarani hutokea mara kwa mara Uganda, ambako barabara ni nyembamba na zimejaa mashimo. Matukio ya magari makubwa kugongana ana kwa ana ni ya kawaida nchini humo.