Akizungumza baada ya kukutana na mfalme Charles III katika kasri la Buckingham, Starmer alimshukuru waziri anayeondoka Rishi Sunak.

 "Nataka kumshukuru waziri mkuu anayeondoka Rishi Sunak, mafanikio yake kama waziri mkuu wa kwanza mwenye asili ya Asia nchini Uingereza. Juhudi zake za ziada hazipaswi kupuuzwa na mtu yoyote.''

Starmer anakuwa waziri mkuu baada ya chama chake cha Labour kupata ushindi wa kishindo ambao umekitikisa chama cha Conservative kwa kukipokonya viti vingi vilivyokuwa vinashikiliwa na mawaziri wake ikiwemo cha aliyewahi kuwa waziri mkuu, Liz Truss.