Zaidi ya wanariadha 30 wa Kenya wamesimamishwa au kupigwa marufuku kwa makosa ya kutumia dawa za kutunisha misuli mwaka huu.

Hali tete ya nchi hiyo inatarajiwa kuwa ajenda kuu wakati wa mkutano kati ya wakala wa Kupambana na Dawa za Kulevya Duniani (WADA) na Kitengo cha Uadilifu wa Riadha (AIU) mjini Monaco Ijumaa.

Waziri wa Michezo Ababu Namwamba amesema serikali inatumia mbinu zote zilizopo ili kukabiliana na tatizo hilo na kuepuka aibu hiyo.