Iwapo yatafanikiwa itakuwa ni mara ya kwanza kwa michuano hiyo mikubwa ya soka barani Afrika kutimua vumbi kwenye eneo la Afrika Mashariki katika kipindi cha miaka 50.

Shirikisho la soka barani Afrika, CAF  limethibitisha kupokea maombi ya nchi hizo tatu pamoja na maombi kutoka mataifa ya Algeria, Botswana na Misri.

Waziri wa michezo wa Kenya Ababu Namwamba amesema maombi hayo yametumwa bada ya kuamilika majadiliano na wenzake wa Uganda na Tanzania.

Chini ya mpango uliopo mataifa hayo yataunda kamati ya pamoja itakayoratibu kuwania nafasi ya kuwa mwenyeji na maandalizi ya michuano hiyo.