Rais William Ruto ametangaza hatua hiyo baada ya China kukata ufadhili wa kusimamia ujenzi wa miradi ya miundo mbinu. Ujenzi wa reli inayounganisha bandari ya Kenya ya Mombasa na mataifa jirani yasiyokuwa na bandari, kama sehemu ya mradi ulioanzishwa na China wa ujenzi wa miundo mbinu ya reli na barabara, uliishia katika eneo la Bonde la Ufa mnamo mwaka 2019 baada ya Beijing kuondoa ufadhili wake.

Soma: Kenya, EU wakaribia kukamilisha makubaliano ya biashara

Ruto amesema katika ujumbe alioandika kwenye ukurasa wake wa X, kwamba wanatafuta makubaliano ya kushirikiana na Umoja wa Falme za Kiarabu kuendeleza ujenzi huo wa reli hiyo ya kisasa kuziunganisha Kenya, Uganda na Sudan Kusini. Ujumbe huo wa Ruto ameuandika jana usiku baada ya mazungumzo yake na maafisa wa UAE mjini Abu Dhabi.