NAIROBI: Kwa sababu serikali yake mpya inaendeleza kwa kasi juhudi zake za kupigana na rushwa, Fuko la Kimataifa la Fedha, IMF limeiondolea Kenya vikwazo vya mikopo. Habari kutoka mjini Nairobi zilisema, kufuatana na programu ya kupigana na balaa la njaa na kuendeleza ustawi wa kiuchumi, hivi sasa Fuko la Kimataifa la Fedha limeipa Kenya mkopo wa Dollar miliyoni 250. Mwaka 2001, Fuko la Kimataifa la Fedha na Benki Kuu ya Dunia ziliizuilia Kenya mikopo.