Mkuu wa Polisi ya mji huo, Eric Mugambi, amesema kuwa uchunguzi wa awali umeonyesha kuwa guruneti lilirushwa ndani ya klabu hiyo. Shambulio hilo limetokea wiki moja baada ya majeshi ya Kenya kuvuka mpaka na kuingia Somalia ili kuanzisha mashambulio dhidi ya wapiganaji wenye itikadi kali ya Kiislamu wa Al- Shabaab. Wapiganaji hao walitishia kufanya mashambulio makubwa ya kulipiza kisasi dhidi ya Kenya ikiwa nchi hiyo haitayaondoa majeshi yake kutoka Somalia.