Mahakama ya kienyeji nchini Rwanda ambayo imekuwa ikiwahukumu watuhumiwa wa mauaji ya halaiki imemkamata jenerali wa jeshi na inasubiri kumhukumu kwa tuhuma za kushiriki katika mauaji hayo mwaka 1994, lakini atapelekwa katika mahakama za kijeshi.

Laurent Munyakazi , afisa wa kwanza wa ngazi za juu wa jeshi kuweza kukamatwa na moja kati ya mahakama hizo za kienyeji ambazo zinajulikana kama Gacaca, alikamatwa Jumatatu katika mji mkuu wa wilaya ya Rugenge na atafikishwa katika mahakama ya kijeshi katika tarehe ambayo haikutajwa.