Mvulana huyo mwenye umri wa miaka 14 alipotea jana Ijumaa na mamlaka za Israel zimeyaelezea mauaji yake kuwa "shambilizi la kigaidi". Kisa hicho huenda kitaongeza machafuko kwenye eneo hilo, ambayo hivi sasa tayari yamefikia viwango cha kutisha.

Waziri Mkuu Benjamin Netanyahu wa Israel amesema washambuliaji waliohusika watapatikana na ametaka raia wa nchi hiyo kutovizuia vyombo vya usalama kutimiza kazi yao.

Hapo jana, wakati vikosi vya Israel vilifanya operesheni ya kumtafuta kijana huyo, na walowezi wa Kiyahudi walikivamia kijiji kimoja cha Wapalestina, na kuchoma moto nyumba na magari.

Mtu mmoja aliuawa kwenye vurumai hiyo lakini haikufahamika iwapo alipigwa risasi na vikosi vya Israel au walowezi waliojihami kwa bunduki.