Conille ameyasema hayo wakati wa ziara yake mjini Washington ambako alikutana na waziri wa mambo ya nje wa Marekani Antony Blinken.

Kundi la kwanza la maafisa wa polisi 200 wa Kenya, ambao ni sehemu ya ujumbe ulioidhinishwa na Baraza la Usalama la Umoja wa Mataifa, waliwasili Haiti mwezi uliopita.

Soma pia: Rais Ruto wa Kenya asisitiza kupeleka polisi nchini Haiti wiki chache zijazo

Kikosi hicho kinalenga kusaidia polisi wa Haiti kuleta utulivu nchini humo, ambapo magenge ya kihalifu yanadhibiti takriban asilimia 80 ya mji mkuu.

Haiti, kwa muda mrefu imekuwa ikikumbwa na ghasia, lakini hali ilizidi kuwa mbaya zaidi mwishoni mwa Februari wakati makundi yenye silaha yalipoanzisha mashambulizi katika mji mkuu wa Port-au-Prince.