Majaribio ya siku za nyuma yameonyesha kuwa nchi hiyo inao uwezo wa kupeleka satelaiti angani, lakini wataalamu wanatilia shaka ikiwa inao utaalamu wa kuunda kamera zenye ufanisi wa kiwango cha ujasusi, ikizingatiwa kuwa picha zilizotokana na majaribio ya awali hazikuwa na ubora wa kuridhisha.

Soma pia:Korea Kaskazini yafanya jaribio la chombo kinachoweza kushambulia chini ya bahari

Akitembelea kituo cha utafiti wa anga za mbali cha nchi yake, Kim alinukuliwa na shirika la habari la serikali, KCNA, akisema kuwa satelaiti yenye uwezo wa kufanya ujasusi wa kijeshi ni muhimu kwa nchi yake kuweza kutumia makombora yake maalumu kwa kubeba vichwa vya nyuklia.