Kimbunga hicho kiliripotiwa kusababisha kifo cha mtu mmoja na mafuriko kwenye maeneo mengi.

Kikiambatana na upepo unaosafiri kwa kasi ya kilometa 200 kwa saa, kimbunga Saola kinatajwa kuwa ndiyo kikali zaidi kuwahi kulipiga jimbo la Guangdong tangu mwaka 1949.

Soma zaidi: Kimbunga Saola chaelekea miji mikubwa ya kusini mwa China

Wasiwasi wa kutokea madhara umezilazimisha mamlaka za jimbo hilo kufuta mamia ya safari za ndege, kuzifunga biashara, shule, na masoko pamoja na kuwahamisha zaidi ya watu 900,000.

Watabiri wa hali ya hewa wanasema kimbunga hicho sasa kinaelekea Taiwan na tayari mawimbi makubwa yameanza kushuhudiwa kwenye fukwe za kisiwa hicho.