Shambulio la droni lililozilenga meli za kusafirisha gesi katika bandari ya Damietta kwenye bahari ya mediterrania nchini Misri limetajwa kuwa ishara inayoonesha uwezekano wa vita vya Marekani na Iran kuenea kwenye maeneo mapya.

Shambulio hilo limeibuwa kitisho katika usafiri wa meli kupitia mfereji wa Suez,ambao ni njia ya mwisho salama iliyobakia ya kusafirisha mafuta ya Saudi Arabia. Waasi wa Houthi wadai kuishambulia meli ya Kigiriki

Baraza la mawaziri la Misri limesema hivi leo kwamba uchunguzi wa awali umeonesha droni ambayo haikutambuliwa ilisababisha mripuko wa moto baada ya kuzishambulia meli mbili katika bandari ya Damietta.Vyanzo vyenye ufahamu wa suala hilo vimeeleza kwamba moja ya meli zilizoshambuliwa inamilikiwa na Marekani.