Kiasi cha watu 700,000 vijana wa kikatoliki wamekusanyika katika uwanja mkubwa wa wazi nje kidogo ya mji wa Kolon nchini Ujerumani , wakiwa wanakesha wakisali katika sherehe za siku ya vijana wa kikatoliki duniani.

Pope Benedict wa 16 alisoma mahubiri usiku katika wakati wa sala, tukio ambalo litafuatiwa na misa ya wazi itakayoongozwa na kiongozi huyo wa kanisa Katoliki asubuhi leo.

Hapo kabla Pope alikutana na viongozi wa kisiasa nchini Ujerumani pamoja na wajumbe muhimu wa jamii ya Kiislamu wanaoishi nchini humo.

Siku ya vijana wa Kikatoliki duniani inafikia tamati leo jumapili.