Hata hivyo kulingana na ripoti hiyo, ukaguzi wa malori na magari kutoka Serbia utaimarishwa katika vituo vya ukaguzi vya mpaka wa Kosovo, na kuruhusiwa kupita.

Soma pia: Mvutano kati ya Kosovo na Serbia wazidi kufukuta

Serikali ya Pristina iliagiza hatua hiyo ya kuzuia uingizwaji wa bidhaa kupitia mpakani Jumatano iliyopita baada ya Serbia kuwakamata maafisa wa polisi watatu. Kulingana na Kosovo, maafisa hao walikuwa wametekwa nyara huku Belgrade ikidai kwamba walikuwa wameingia Serbia.

Kikosi cha kulinda amani kinachoongozwa na NATO, KFOR kimesema mjini Pristina jana kwamba baada ya uchunguzi juu ya tukio hilo, hakikuweza kuthibitisha iwapo lilitokea Serbia ama Kosovo.