Msemaji wa Kremlin Dmitry Peskov amewaeleza waandishi wa habari kwamba mazungumzo ya viongozi hao wawili yatafanyika katika mji wa Sochi.

Mkutano huo utafanyika huku kukiwa na matumaini kwamba Putin na Erodan wataweza kufufua makubaliano ya usafirishaji salama wa nafaka za Ukraine.

Tangazo la Moscow limetolewa muda mchache baada ya Ukraine kudai kwamba meli mbili zaidi, zimeanza safari kupitia njia ya muda iliyoanzishwa na Kyiv ili kuhakikisha usafirishaji salama.

Urusi ilijiondoa katika makubaliano hayo yanayoungwa mkono na Umoja wa Mataifa na Uturuki na kuonya kuwa meli zinazoondoka katika bandari za Ukraine zinaweza kulengwa kwa mashambulizi ya kijeshi.