Kremlin: Matamshi ya Biden yameidhalilisha Marekani
22 Februari 2024![Marekani | Rais Joe Biden](https://static.dw.com/image/68249647_800.webp)
Matangazo
Biden kwenye hafla ya kukusanya fedha huko mjini San Francisco hapo jana alimfananisha Putin na mwendawazimu, huku akionya juu ya kitisho kilichopo wakati wote cha nyuklia, ingawa kwa upande mwingine akisema kitisho kikubwa dhidi ya ubinaadamu kinabakia kuwa mabadiliko ya hali ya hewa.
Soma pia:Biden, Scholz kujadiliana msaada kwa Ukraine
Msemaji wa Ikulu ya Kremlin, Dmitry Peskov amesema matumizi ya lugha kama hiyo ya rais wa Marekani dhidi ya kiongozi wa taifa jingine hayampunguzii mamlaka rais Putin bali kuwafedhehesha wale wanaoitumia na Marekani kwa ujumla wake.