Taarifa hiyo ya Hamas ilitolewa jana, siku moja baada ya jeshi la Israel kufanya mashambulizi yaliyomlenga kamanda huyo wa Hamas ambayo imeleezwa na maafisa wa afya kwamba yaliwauwa takriban watu 90 wakiwemo watoto.

Mnamo siku ya Jumamosi waziri mkuu wa Israel Benjamin Netanyahu alisema bado hawana uhakika ikiwa Deif ameuwawa. Mohammed Deif anatajwa kuwa ndiye kinara aliyepanga shambulio la Oktoba 7 dhidi ya Israel lililosababisha vita vya Gaza.