Vifo zaidi ya milioni 14 vya ziada, vikiwemo vya watoto milioni 4.5 wenye umri wa chini ya miaka mitano, huenda vikatokea katika kipindi cha miaka mitano ijayo kutokana na kupunguzwa kwa kiwango kikubwa misaada ya kigeni ya Marekani.

Hayo ni kwa mujibu wa utafiti uliochapishwa hivi leo na jarida linaloripoti masuala ya afya la Lancet. Utafiti huo ulioongozwa na wanasayansi wa Barcelona na Salvador da Bahia, Brazil, unaonya dhidi ya uamuzi uliochukuliwa na rais wa Marekani Donald Trump wa kupunguza misaada.

Timu hiyo ya wanasayansi ilitathimini data za vifo kutoka zaidi ya nchi na maeneo 130 kati ya mwaka 2001 na 2021, na kuyatumia matokeo ya utafiti huo kubashiri kitakachotokea hadi 2030.

Makadirio yao yanapendekeza kupungua kwa msaada wa Marekani huenda kukawa na athari mithili ya janga, hususan katika nchi za kipato cha kati na cha chini.