Waziri mambo ya ndani wa Ukraine, Ihor Klymenko, ameandika kupitia ukurasa wa mtandao wa Telegram kwamba afisa mmoja wa polisi ameuwawa na wengine wawili wamejeruhiwa kwenye shambulio hilo.

Amesema hivi sasa zaidi ya watu 100 wanapangiwa kuondoka eneo hilo kwa kutumia mabasi kupelekwa eneo salama. Mji wa Kherson uliangukia mikononi mwa Urusi katika siku za mwanzo za vita lakini ulikombolewa na vikosi vya Ukraine miezi michache baadaye.

Unapatikana kwenye jimbo la kusini mwa Ukraine lenye jina sawa na hilo na ambalo Urusi ilidai kulikamata mwaka uliopita licha ya ukweli kwamba hadi sasa bado imeshindwa kuchukua udhibiti kamili.