Maafisa wa Ukraine wamesema mashambulizi hayo yalilenga majengo mbalimbali na kusababisha milipuko na moto katika maeneo kadhaa ya mji huo.

Meya wa Kyiv, Vitali Klitschko, amethibitisha kuwa watu wawili wamejeruhiwa katika mashambulizi hayo.

Kupitia ujumbe aliouandika kwenye mtandao wa Telegram, meya huyo ameeleza kuwa mji wa Kyiv uko chini ya mashambulizi ya Urusi na akawahimiza wakaazi kutafuta maeneo salama ya kujihifadhi.

Mkuu wa utawala wa kijeshi wa Kyiv, Tymur Tkachenko, ametoa agizo kwa vikosi vya dharura kutumwa haraka katika maeneo yaliyoathirika ili kushughulikia athari za mashambulizi hayo.