Leipzig imebadilisha mkufunzi wake lakini Gladbach bado wanatiwa makali na mkufunzi wao Adi Huetter. soma zaidi Kocha wa Gladbach Rose kujiunga na Dortmund

Kuondoka kwa kocha Julian Nagelsmann kwenda kwa mahasimu wao Bayern Munich kumekuwa na athari kubwa kwa RB Leipzig, lakini hali kama hiyo pia imewafika Gladbach, kuondoka kwa Marco Rose kwenda Dortumnd kumetatiza vikosi vya timu hizo mbili pasi na ilivyodhaniwa.

soma Kocha Marco Rose aahidi kutoondoka na wachezaji nyota

Leipzig walikuwa katika nafasi ya pili nyuma ya Bayern msimu uliopita na mara baada ya Nagelmann kujiunga na mabingwa Bayern Munich, walimsajili mara moja kocha Jesse Marsch kutoka klabu ya Salzburg lakini kibarua chake kiliota nyasi wikendi iliyopita baada ya kichapo cha 2-1 kutoka kwa Union Berlin ambacho kiliwaweka katika nafasi ya 11 katika jedwali la Bundesliga.

Leipzig na Gladbach zitakwaana Jumamosi katika pambano kali timu zote mbili zikitaka kubadili mkondo wa kupata matokeo mazuri msimu huu wa 59 wa Bundesliga.

Mkufunzi wa muda wa Leipzig Achim Beierlorzer angalau alirudisha fahari ya kikosi cha timu hiyo kwa ushindi wa 2-1 dhidi ya Manchester City siku ya Jumanne katika mechi za ligi ya mabingwa na kuihakikishia Leipzig nafasi ya kucheza katika michuano ya kombe la ligi ya Ulaya.

 

//Dpa