Takwimu hizi zimeripotiwa leo na Ofisi ya uratibu wa masuala ya kibinaadamu ya umoja huo, OCHA. Ofisi hiyo aidha imesema watu wengine 10,100 bado hawajulikani walipo kwenye mji huo ulioathirika zaidi.

Kulingana na OCHA, karibu watu 170 wamekufa katika maeneo mengine mashariki mwa Libya.

Kulingana na OCHA, iliyohusisha takwimu hizo na Shirika la misaada la Hilali Nyekundu nchini Libya idadi hiyo inaweza kuongezeka wakati shughuli za uokozi zikiendelea.

Hata hivyo, msemaji wa Hilali Nyekundu Tawfiq al-Shukri amezikana takwimu hizo na kusema idadi halisi hutangazwa na idara zilizoruhusiwa na mamlaka za Libya.