SiasaLibya
Libya yawahukumu kifo wanachama 17 wa IS
20 Desemba 2022![Mutmaßliche Taliban-Mitglieder bei verschiedenen Operationen festgenommen](https://static.dw.com/image/64122768_800.webp)
Matangazo
Mwendesha mashtaka alisema jana kuwa mahakama ya Tripoli pia imewahukumu watu wawili kifungo cha maisha gerezani na wengine 14 vifungo vidogo jela.
Taarifa ya mwendesha mashtaka imeeleza kuwa watu hao walikutwa na hatia ya kufanya shughuli zinazohusishwa na IS, pamoja na ghasia za kutumia silaha kwenye mji wa Sabratha.
Kwa mujibu wa taarifa hiyo, watu walioshtakiwa wamewaua jumla ya watu 53 na kuharibu majengo ya umma. Uraia wa watu waliohukumiwa kifo haujatangazwa.
Mwaka 2010, Libya ilipiga kura kupinga azimio la Baraza Kuu la Umoja wa Mataifa linalotaka kusitishwa kwa adhabu ya kifo duniani kote, lakini haijachapisha takwimu za kuaminika kuhusu adhabu ngapi kama hizo ambazo zimetolewa.