Ingawa Lukashenko hakubainisha zitakapowekwa silaha hizo, taarifa za awali zinasema zitapelekwa karibu ya mpaka na Poland.

Rais wa Urusi Vladimir Putin mapema mwaka huu alitangaza kupelekwa kwa makombora ya masafa mafupi nchini Belarus, katika hatua inayochukuliwa kama onyo kwa mataifa ya Magharibi yanayoongeza usaidizi wa kijeshi nchini Ukraine.

Mpinzani wa Lukashenko, Sviatlana Tsikhanouskaya amelaani hatua hiyo na kuyaomba mataifa washirika kuchukua hatua za kuizuia.