Maafisa wa Afya wahofia mlipuko wa homa ya nyani Afrika
2 Agosti 2024![Kipimo cha Corona huko Soweto Afrika Kusini.](https://static.dw.com/image/56013097_800.webp)
Matangazo
Vituo vya Kudhibiti na Kuzuia Magonjwa vya Afrika vimesema kwamba mwaka huu pekee, maambukizi ya homa ya nyani yameongezeka kwa asilimia 160 na kwamba ugonjwa huo tayari umeripotiwa katika nchi 10 za Afrika mwaka huu ikiwa ni pamoja na Jamhuri ya Kidemokrasia ya Kongo, Rwanda, Burundi, Kenya na Jamhuri ya Afrika ya Kati. Milipuko ya ugonjwa wa homa ya nyani unaofahamika pia kama (Mpox) katika nchi za Magharibi imekuwa mara kadhaa ikidhibitiwa kutokana na matumizi ya chanjo na matibabu, lakini chanjo hizo hazipatikani katika nchi za Afrika.