Maandamano yafanyika kupinga chama cha siasa kali cha AfD
26 Februari 2024![Berlin 2024 | Waandamanaji wamekusanyika katika bunge la Ujerumani kupinga siasa kali za mrengo wa kulia](https://static.dw.com/image/68165274_800.webp)
Waandamanaji walikusanyika chini ya kauli mbiu, "Sisi ndio Kinga," kauli inayotumika kupinga uungwaji mkono wa siasa za mrengo wa kulia nchini Ujerumani tangu vita vya pili vya dunia.
Maandamano makubwa yalifanyika katika mji wa kaskazini wa Hamburg, ambako takriban watu 50,000 walikusanyika. Hamburg ni mji wa pili kwa ukubwa nchini Ujerumani.
Waandamanaji waliimba nyimbo za "Hatutaki Wanazi, Hatutaki AfD," wakimaanisha Alternative für Deutschland yaani chama mbadala kwa Ujerumani kisichopenda wageni.
Waandaji wa maandamano hayo wametoa wito kwa watu kusimama kidete kutetea demokrasia.
Hivi karibuni, Ujerumani imeshuhudia wimbi la maandamano dhidi ya siasa kali za mrengo wa kulia baada ya ripoti kufichua kuwa maafisa wa AfD walikuwa na mkutano na kundi la watu wanaopigania sera za kuwafukuza watu wote wasiokuwa na asili ya Ujerumani.