Waliwasili mjini Beijing leo kwa ziara inayonuiwa kuishawishi China kutounga mkono uvamizi wa Urusi nchini Ukraine, wakati pia wakiweka mahusiano ya karibu na mshirika huyo muhimu wa kibiashara.

Akizungumza mjini Beijing, Macron amesema China inaweza kuwa na mchango muhimu katika kupatikana mkondo wa amani nchini Ukraine.

Macron na Von der Leyen watakutana na Rais wa China Xi Jinping pamoja na viongozi wengine wa serikali.

Katika hotuba yake wiki iliyopita, Von der Leyen aliionya Beijing dhidi ya uungaji mkono wa moja kwa moja vita vya nchini Ukraine, wakati akifuta uwezekano wa Umoja wa Ulaya kujitenga na China.