Macron ambaye yuko katika ziara ya siku tatu nchini China pamoja na Rais wa Halmashauri Kuu ya Umoja wa Ulaya Ursula von der Leyen wanalenga kufuta dhana yoyote kuwa kuna mvutano usioepukika kati ya Beijing na Nchi za Magharibi.

Macron amesema kuendeleza mazungumzo na China ni muhimu ikizingatiwa mahusiano yake ya karibu na Urusi, ambayo inaendesha vita nchini Ukraine.

Kwingineko, Rais wa Ukraine alizuru leo nchini Poland na kuishukuru nchi hiyo kwa kile alichokiita msaada wa kihistoria, akisema inapaswa kuwa mshirika muhimu katika juhudi pana za ujenzi unaohitajika wakati uvamizi wa Urusi utakapomalizika.

Rais wa Poland Andrej Duda alisema Poland itapeleka Ukraine ndege za kivita 14 aina ya MiG-29.