Katika mji mkuu Antananarivo, ambako amri ya kutokuwa nje usiku ilikamilika saa mbili kabla ya vituo vya kupigia kura kufunguliwa, watu wengi waliitikia miito iliyotolowa na wagombea 10 ya kuwataka wajiepushe na shughuli hiyo.

Viongozi wa upinzani na mashirika ya kiraia pia yalikuwa yametoa wito wa kuahirishwa uchaguzi huo.

Akizungumza baada ya kupiga kura yake mapema leo, Rais Andry Rajoelina aliwahimiza watu kujitokeza na kushiriki katika zoezi hilo akisema kuwa njia pekee ya demokrasia ni uchaguzi.

Watu milioni 11 wamesajiliwa kupiga kura katika taifa hilo la kisiwa cha Bahari Hindi chenye jumla ya watu milioni 30.