Mkusanyiko huo jana ulikuwa ni wa siku ya 8 mfululizo wa maandamano ya upinzani ambayo kwa sehemu kubwa yamekuwa ya utulivu lakini yaligeuka kuwa mapambano makali usiku wa Jumapili.

Wafuasi wa upinzani walifanya vurugu wakiyapinga matokeo ya uchaguzi wa bunge na serikali za mitaa yaliyokipa ushindi mkubwa chama cha rais Aleksandar Vucic cha Serbian Progressive, SNS. Wanasema ushindi wa chama hicho umetokana na wizi wa kura na udanganyifu wakati wa uchaguzi uliofanyika Disemba 17.

Rais Vucic mwenyewe amelaani wimbi hilo la maandamano ambalo amesema limechochewa na njama za mataifa ya kigeni.