Mgombea anayeongoza ndani ya chama cha Republican Donald Trump, anatarajiwa kudhibiti kinyang'anyiro cha uteuzi katika siku muhimu ya kura za mchujo inayojulikana kama Jumanne Kuu. Trump anapambana na mpinzani pekee aliyesalia Nikki Haley ambaye hapewi nafasi kubwa ya kumshinda Trump. Hiyo itakuwa nafasi ya mwisho ya Haley katika kupunguza kasi ya rais huyo wa zamani katika uteuzi wa kuwania urais. Rais wa Marekani Joe Biden hakabiliwi na upinzani mkubwa ndani ya chama chake cha Democratic katika kuteuliwa kuwania muhula wa pili.