Makabiliano yatokea Lüzerath, Ujerumani
11 Januari 2023![Proteste in Bremen zu Lützerath](https://static.dw.com/image/61570725_800.webp)
Matangazo
Polisi wanasema mawe na vilipuzi vimevurumishwa kuwalenga maafisa wa usalama waliokuwa wakijaribu kuwaaondoa wanaharakati hao katika kijiji hicho cha magharibi mwa Ujerumani.
Vitu vingine vimerushwa kuwashambulia polisi kutoka kwenye nyumba moja katika eneo la tukio.
Kampuni kubwa ya nishati ya RWE inapanga kuchimba madini ya makaa ya mawe Lüzerath.
Wakaazi walishaondoka na ardhi inamilikiwa na kampuni hiyo, lakini wanaharakati wameyakalia majengo kadhaa kwa miezi sasa na idadi yao imekuwa ikiongezeka katika wiki chache zilizopita.
Polisi wametumia kipaza sauti kuwatangazia wanaharakati waondoke wakati walipoanza operesheni ya kulisafisha eneo hilo leo Jumatano.