Kamala Harris atakutana na viongozi hao atakapofanya ziara nchini Ujerumani na kuhudhuria mkutano wa masuala ya usalama mjini Munich. 

Kulingana na taarifa ya ikulu ya White House, Harris pia atakutana na kufanya mazungumzo namawaziri wakuu kutoka Finland na Sweden kuangazia mchakato wa mataifa hayo kujiunga na jumuiya ya kujihami ya NATO, lakini pia atazungumzia mahusiano na China katika mikutano na viongozi wa kigeni.

Soma pia:Blinken kuzuru Ulaya katikati mwa fukuto la mzozo na China

Makamu huyo wa rais pia atajadiliana kuhusu hatua zinazofuata kuhusu kuisadia Ukraine kwenye vita na mikakatiya kuiongezea mbinyo Urusi.