Watu 30, wakiwemo watoto tisa, wamejeruhiwa vibaya baada ya bomu lililokuwa limefichwa ndani ya feri kusini mwa Ufilipino kuripuka. Feri hiyo ilikuwa imetia nanga kwenye bandari ya kisiwa cha Basilan.

Msemaji wa jeshi la nchi hiyo amesema kufikia sasa hakuna kundi lolote ambalo limedai kuhusika na shambulio hilo, lakini akasema kundi la wanamgambo wa kiislamu la Abu Sayyaf, ambalo lina wafuasi wake katika kisiwa hicho, linashukiwa kufanya uovu huo.