Maafisa nchini Ufilipino wanawahamisha wakazi kutoka maeneo yalio kando na mlima wa volkano Mayon ambao umeanza kunguruma.Tangu siku mbili, watu wapatao elfu 40 wamesaidiwa kulikimbia eneo hilo la hatari,lakini maafisa wanasema kama watu 70 elfu wanahitaji kuhamishwa kwengine.Mlima Mayon umesharipuka mara 50 katika kipindi cha miaka 400 ya nyuma.Katika mripuko wa hivi karibuni mwaka 1993,watu 77 waliuawa.Wataalamu wa volkano wana khofu kuwa majivu ya moto yaliyoanza kutiririka kidogo-dogo tangu kati-kati ya mwezi wa Julai huenda ikawa ishara kwamba mripuko mkubwa upo njiani.