Maelfu ya wafuasi wa rais Gloria Arroyo nchini Ufilipino wamehudhuria mkutano wa maombi mjini Manila, wakitaka aendelee kubakia madarakani.

Rais Arroyo anashinikizwa ajiuzulu kutoka kwa wadhfa wake, tangu upinzani ulipotoa ukanda wa sauti, ambamo mwanamke mwenye sauti inayofanana na yake, anasikika akijaribu kuomba apendelewe wakati kura zilipokuwa zikihesabiwa, kufuatia uchaguzi wa urais mwaka jana.

Arroyo amepinga kufanya kitendo hicho na msemaji wake Ignacio Bunye amesema hatakubali kuteswa na upinzani. Mawaziri wanane wa baraza lake la mawaziri wamejiuzulu kufutia mzozo huo.