Watu wawili wanaotuhumiwa kuwa magaidi wametiwa mbaroni nchini Ufilipino. Polisi wanadai wanachama hao wa kundi la Abu Sayyaf, lenye uhusiano na kundi la kigaidi la al-Qaeda, walitega bomu ndani ya basi la abiria siku ya sherehe za wapendanao, katika mji mkuu Manilla. Mripuko uliotokea uliwaua watu sita na kuwajeruhi wengine zaidi ya mia moja. Kundi la Abu Sayyaf lilidai lilitekeleza mashambulio mengine mawili ya bomu siku hiyo ya Valentine katika miji ya kusini ya General Santos na Davao, ambayo yalipelekea kuuwawa kwa watu wengine sita na kuwajeruhi wengine wengi.