SiasaThailand
Mapigano yazuka kwenye mpaka wa Myanmar na Thailand
20 Aprili 2024![Wanajeshi wa Thailand wakishika doria katika mpaka wa nchi hiyo na Myanmar mnamo Aprili 10 2024](https://static.dw.com/image/68848111_800.webp)
Matangazo
Mashuhuda watatu kutoka pande zote za mpaka huo wa Myanmar na Thailand, wanasema walisikia mripuko mkubwa na milio ya risasi karibu na daraja hilo la kimkakati kutoka jana jioni na iliyoendelea hadi mapema leo.
Vyombo kadhaa vya habari vya Thailand vimeripoti kuwa takribani watu 200 kutoka Myanmar walivuuka mpaka kutafuta hifadhi ya muda nchini humo.
Soma pia:Wanajeshi wa Myanmar wajiondoa kwenye mji muhimu wa mpakani
Hata hivyo, ripoti hizo hazikuweza kuthibitishwa mara moja na msemaji wa jeshi hakupatikana kwa haraka kutoa tamko.
Waziri Mkuu wa Thailand, Srettha Thavisin, amesema anafuatilia kwa karibu hali hiyo na kwamba nchi yake iko tayari kutoa msaada wa kibinadamu, ikiwa itahitajika.