Watu wasiopungua 16 wamekufa leo na wengine 17 wamejeruhiwa baada ya kutokea maporomoko ya udongo kwenye eneo moja linalotumika kama kambi ya mapumziko nje kidogo ya mji mkuu wa Malaysia, Kuala Lumpur.

Inaaminika kulikuwa na watu wasiopungua 94 wakati mkasa huo ulipotekea na maafisa wa usalama wanashuku karibu watu wengine 20 huenda wamefukiwa na vifusi vya udongo.

Hadi kufikia sasa watu saba wamelazwa hospitali wakiwa na majeraha madogo na vikosi ya uokozi vikisaidiwa na mbwa wa polisi tayari vimetumwa kuwatafuta wengine wasiojulikana waliko.

Kambi hiyo ya mapumziko kwenye kitongoji cha Batang Kali ambayo huvutia makundi ya watu inapatikana jirani na eneo maarufu kwa shughuli za utalii la nyanda za juu za Genting