Wanamgambo hao wa Kihouthi walifyatua makombora mawili na kuilenga meli inayomilikiwa na kampuni kubwa ya makontena ya MSC ya Uswisi. Ripoti za awali zinaonyesha kwamba hakuna mtu aliyejeruhiwa kwenye mashambulizi hayo ya jana. Hata hivyo taarifa hiyo imeongeza kuwa kombora moja limesababisha uharibifu wa meli. Jeshi la Marekani pia limeripoti kwamba wanamgambo hao wa Kihouthi walifyatua kombora jingine tofauti katika Bahari ya Shamuna kuangukia majini. Wanamgambo hao wameapa kuzishambulia meli kwenye Bahari ya Shamu ambazo zinahusishwa na Israel, katika kampeni yake ya kushinikiza kukomeshwa kwa vita katika Ukanda wa Gaza.