Hakuna tarehe rasmi iliyotolewa na haijulikani ni Wamarekani wangapi watakaoweza kuhamishwa kutoka Haiti.

Ubalozi wa Marekani nchini Haiti umesema raia hao watahamishwa kutoka mji wa pili kwa ukubwa wa Cap-Haitien, wakati uwanja mkuu wa ndege katika mji mkuu wa Port-au-Prince ukiendelea kufungwa kutokana na machafuko hayo.

Serikali ya Guatemala imesema ofisi za ubalozi wake nchini Haiti zilivamiwa na  magenge hayo ya wahalifu ambayo yamekuwa yakishinikiza Waziri Mkuu Ariel Henry kuachia madaraka. Kiongozi huyo ametangaza siku ya Jumatatu kuwa atajiuzulu mara baada ya kuundwa kwa baraza la mpito.