Viongozi hao wanakutana huku kukiwa na ongezeko la vitisho kutoka kwa kiongozi wa Korea Kaskazini Kim Jong Un wakati ambapo nchi yake inaongeza uwezo wa kijeshi, ikiwa ni pamoja na kufanya majaribio ya makombora ya masafa marefu ambayo yanaweza kufika Marekani.

Soma zaidi:Marekani na washirika wake wafanya mazoezi ya kijeshi

Wakati huo huo Marekani imetangaza kuwa itapeleka nyambizi yenye uwezo wa kufyatua makombora ya nyuklia nchini Korea Kusini kwa mara ya kwanza baada ya miaka 40. Marais Biden na Yoon pia wamekubaliana kuimarisha uhusiano wa kiuchumi, utengenezaji wa vifaa vya kielektroniki, magari ya umeme na betri.