Kamandi Kuu ya Marekani CENTCOM aidha imesema kwenye taarifa yake kupitia mtandao wa X kwamba jana mchana, kwa majira ya Yemen walilidungua kombora la masafa marefu ambalo pia lilirushwa Wahouthi kutokea maeneo wanayoyatawala nchini Yemen.

Kulingana na CENTCOM, inahisiwa kwamba kombora hilo lililenga meli ya MV Yorktown, yenye bendera ya Marekani na kuongeza kuwa hakukuwa na majeruhi wala uharibifu.

Wahuthi, ambao wanadhibiti sehemu kubwa ya pwani ya Bahari ya Shamu nchini Yemen, wameanzisha mashambulizi ya makombora na droni wakizilenga meli tangu Novemba, kwa madai ya kuonyesha mshikamano na Wapalestina katika Ukanda wa Gaza.