Hayo yamesemwa na Ikulu ya rais nchini Marekani White House, kuelekea mkutano wa kilele kati ya Marekani na Afrika.

Rais wa Marekani Joe Biden anatarajiwa kuwa mwenyeji wa marais 50 kutoka Afrika mjini Washington leo, mnamo wakati Marekani ikijaribu kuimarisha ushawishi wake barani humo.

Mshauri wa Biden kuhusu usalama wa taifa Jake Sullivan, amesema Marekani inalenga kusaidia nchi za Afrika kufikia malengo yao yenyewe.

Hata hivyo Sullivan hakutoa maelezo zaidi, akisema mengi yatasemwa kwenye mkutano huo wa kilele utakaodumu kwa siku tatu.