Hayo yanajiri baada ya ripoti ya Umoja wa Mataifa kubaini kuwa utawala wa kijeshi nchini Mali ulihusika katika mauaji hayo huku Washington ikiwatuhumu mamluki wa Urusi wa Wagner wanaoungwa mkono na Ikulu ya Kremlin.

Umoja wa Mataifa wataka kuchunguza mauwaji ya Mali

Msemaji wa Wizara ya Mambo ya Nje wa Marekani Matthew Miller amesema nchi yake inasikitishwa na vitendo vya kutojali maisha ya binaadamu vilivyoendeshwa huko Moura na wanajeshi wa Mali wakishirikiana na mamluki hao wa Wagner aliyowaita shirika la uhalifu la kimataifa.