Waziri wa mambo ya nchi za kigeni wa Marekani Antony Blinken, kwa njia ya simu ametoa wito huo kwa kiongozi wa kijeshi wa Sudan Abddel Fattah al-Burhan.

Msemaji wa wizara hiyo ya kigeni ya Marekani Vedant Patel amesema Blinken katika mazungumzo yake ya simu na al-Burhan, amemsisitizia umuhimu wa kushiriki kwake na haja ya pande zote mbili kusitisha mapigano na kuhakikisha mamilioni ya watu wanaotaabika wanafikiwa na misaada ya kiutu.

Mjumbe maalum wa Marekani kwa ajili ya Sudan, Tom Perriello baada ya kikao cha ufunguzi alisema kwamba wakati umewadia sasa wa vita hivyo kufika mwisho.