Jeshi hilo la Marekani barani Afrika (AFRICOM) lilisema Abdulhakim Dhuqub aliuawa siku ya Jumapili katika mkoa wa Bari. 

Katika tathmini ya sasa, jeshi hilo lilisema shambulizi hilo lilimuua kiongozi huyo pekee sambamba na kuharibu gari moja.

Dhuqub alikuwa akihusika na operesheni za kila siku za kundi hilo la wanamgambo, ikiwemo kupanga mashambulizi na kufanya manunuzi. 

Kundi la IS lina operesheni chache  nchini Somalia, ambako wapiganaji wa al-Shabab wana nguvu na wana mafungamano na mtandao wa al-Qaida.