Msemaji msaidizi wa idara ya mahusiano katika wizara ya ulinzi ya Marekani, Chris Meagher, aliwaambia waandishi wa habari jana Jumatatu kwamba uvujaji huo unawakilisha kitisho kikubwa kabisa dhidi ya usalama wa taifa.

Amesema,  Waziri wa Ulinzi Lloyd Austin  amewasiliana na washirika wao kuangazia kisa hicho tangu kilipotokea Alhamisi iliyopita.

Mitandao ya Twitter, Telegram, Discord na mingineyo imekuwa ikizipata nyaraka hizo katika siku chache zilizopita na nyingine mpya zinaendelea kuingia.

Msemaji wa Ikulu ya Kremlin, Dmitry Peskov, amekitaja kisa hicho kama cha kuvutia, huku akipuuzia madai kwamba huenda Moscow inahusika.