Ikulu ya Marekani imesema mashambulizi hayo ya jana jioni yamesambaratisha makombora ya masafa ya waasi wa Houthi ambayo inashuku yaliyokuwa tayari kutumika kuzilenga meli za mizigo.

Yalifanyika baada ya meli nyingine ya mizigo kushambuliwa na waasi wa Houthi ikiwa safarini kutokea Vietnam kwenda nchini Israel. Msemaji wa waasi wa Houthi amethibitisha kuwa waliilenga meli hiyo iitwayo Zografia ikiwa umbali wa maili 76 za baharini kutoka bandari ya Saleef ya nchini Yemen.

Kwa wiki kadhaa sasa kundi hilo la waasi limekuwa likizilenga meli kwenye ujia wa Bahari Nyekundu likisema ni kwa dhima ya kuishinikiza Israel isitishe mashambulizi yake huko Ukanda wa Gaza.